Српската пејачка Гога Секулиќ отворено зборуваше за една од најтешките загуби во својот живот – смртта на нејзината мајка, но и за односот со поранешниот сопруг Урош Домановиќ.
Во интервју за српските медиуми, Секулиќ најпрво се осврна на естрадата, истакнувајќи дека нејзиниот круг на блиски луѓе не е од јавната сцена.
„Естрадата не е змиско гнездо. Има добри луѓе, има и помалку добри. Јас гледам да си го живеам својот живот. Моето друштво не е од јавната сцена“, изјави пејачката.
Таа со голема емоција се присети и на мајка си Нада, која почина во февруари годинава на 71-годишна возраст.
„Сестра ми и јас носевме црнина 40 дена, иако нашата мајка беше против тоа. Кога бевме мали не ни дозволуваше да носиме црно. Болката се носи во душата, а не во облеката. Мора да се работи, да се живее и да се плаќаат сметки. Тоа го сакаат и нашите најмили“, рече Секулиќ.
По смртта на мајка си, пејачката се прости од неа и преку емотивна објава на социјалните мрежи.
„Мајко… не можам да го поднесам ова и не сакам да верувам“, напиша тогаш таа.
Гога искрено проговори и за односот со поранешниот сопруг Урош Домановиќ, со кого го има синот Василиј.
„Урош и јас не сме во кавга за да треба да се смируваме. Ние сме родители на нашиот син и секој си го живее својот живот. Моето срце моментално не е емотивно зафатено. Немам време за тоа. Уживам во самотијата и слободата“, откри пејачката.
