Тамара Тодевска сподели срцепарателна приказна за својот пријател, Владимир Блажев-Панчо, кој почина на 14 октоври лани, како последица од катастрофалниот пожар во дискотеката „Пулс“, на 16 март лани.
Поп-пејачката беше многу блиска со Панчо, и имаа снимено и дует. Кога почина, таа напиша дека овој свет не бил доволен за неговата добрина.
Тамара сподели обава од инстаграм страницата на која Панчо е со мало девојче на негов настап, а до објавата пишува:
„Врз облаци зачекори, на меко и чисто да газиш, тука долу тиња е, загнасено и матно. Таму горе, до сонцето поблиску ќе бидеш, ќе те гали и грее, и патот светол секогаш ќе ти биде.
А кога сонцето ќе зајде, не грижи се, месечината ќе те чува, ќе те гушка и гали, како мајка што најнежно на чедо свое тоа го прави. И верувам, таму горе над облаците, кај сонцето и месечината,
помеѓу ѕвездите, таму каде и ти сега си ѕвезда сјајна, таму е поубаво и почисто, безгрижно и бајковито, оти злото не знае да лета, а и да знае, од Бога се плаши и горе не би отишло,
тоа тука на дното се гуши, и тука долу сонот го руши“.
Ова се стихови од поетот Марко Виденовиќ, а песната се вика „Таму горе“.
View this post on Instagram
