Холивудската ѕвезда Мерил Стрип вечерва ја прими почесната Златна палма на свеченото отворање на 77. Меѓународен фестивал во Кан, кој го овековечи нејзиното „неизбришливо место во историјата на кинематографијата“, соопштија организаторите.
Meryl Streep arrives at Cannes Film Festival, where she is receiving an honorary Palme d’Or at tonight’s opening ceremony. https://t.co/R39mpv2KBP pic.twitter.com/cNi5sBCyXf
— Variety (@Variety) May 14, 2024
„Го променивте начинот на кој ги гледаме жените во светот на кинематографијата. Ни дадовте нова слика за себе“, рече француската актерка Жилиет Бинош, доделувајќи ѝ ја наградата на американската актерка.
„Толку сум среќна што не сте уморни од моето лице“, рече Мерил Стрип.
Вечерва во Кан започна 77. Меѓународен филмски фестивал, кој ќе го одбележи враќањето на ѕвездите како Мерил Стрип, Френсис Форд Копола и Кетрин Денев, додека 22 филма ќе се борат за наградата Златна палма.
Покрај Мерил Стрип, почесната Златна палма оваа година ќе ја добие и креаторот на серијата „Војна на ѕвездите“, Џорџ Лукас, како и колективот Студио Гибли на јапонскиот режисер за анимација Хајао Мијазаки.
Претседател на жирито е Грета Гервиг, американска независна режисерка чиј филм „Барби“ заработи повеќе од една милијарда долари.
