Марко Пуришиќ, попознат под псевдонимот Бејби Лазања, кој настапи како претставник на Хрватска на Евровизија со песната „Рим Тим Таги Дим“, доживеа уште еден голем успех – влезе во британската топ листа на синглови.
Имено, на официјалната страница на британските топ-листи песната „Рим Тим Таги Дим“ е на 70. место, пренесува Дневник.хр.
Покрај Марко, во топ 100 влегоа уште три песни од овогодинешниот Евросонг. Свое место си најде и британскиот претставник Оли Александер, кој со песната „Dizzy“ е на 34. место, потоа победничката песна „The Code“ е на 49. место, а протераниот Холанѓанец е на 81 место.
Освен Марко, ваков успех има постигнато само уште еден хрватски изведувач. Во 1959 година песната на Иво Робиќ „Морген“ се најде на 23-то место на британските топ листи.
Бејби Лазања веќе се пофали дека неговата песна е во топ 50 најпуштани песни на Спотифај во светот.
