По победата на украинската фолк-рап група Калуш Оркестар на изборот за песна на Евровизија во Торино во мај, Украина требаше да биде домаќин на натпреварот следната година.
И покрај негодувањето од владата на претседателот Володимир Зеленски, Европската радиодифузна унија (ЕБУ), заклучи дека Украина не може да ја гарантира безбедноста на повеќе од 10.000 луѓе вклучени во продукцијата и на уште 30.000 обожаватели. Украинската влада се согласи настанот да го организира Велика Британија, со тоа што ќе го одразува украинскиот дух и карактеристиките на Украина.
Обединетото Кралство претходно осум пати беше домаќин на натпреварот, четири пати изборот за песна на Евровизија се одржа во Лондон. Последен пат се одржа во 1998 година во Бирмингем. Британската јавна радиодифузна корпорација појасни дека во процесот на селекција се фокусирале на оние британски градови кои претходно се докажале како добри домаќини на големи меѓународни настани. Од 20-те градови од Велика Британија кои се натпреваруваа за домаќин на Евровизија, Ливерпул успеа да го освои првото место, а Глазгов остана на второ место во финалето.
„Тие немаат забави како ние“, рече градоначалничката на Ливерпул, Џоан Андерсон за време на натпреварот. „Домот на Битлси е подготвен да организира шоу за Украина, Велика Британија и Европа“, додаде таа.
Да потсетиме, британскиот претставник Сем Рајдер го освои второто место на Евросонг со необичната песна „Space Man“.
Liverpool will host #Eurovision 2023 on behalf of Ukraine…and it’s gonna be proper boss 👍
🇬🇧🇺🇦 Find out all about Liverpool 2023 right here: https://t.co/a1zGojGfbr pic.twitter.com/7sZ7SaYjg2
— Eurovision Song Contest (@Eurovision) October 7, 2022
