Веднаш по завршувањето на емисијата „Цеца шоу“ следуваше емисијата „Шоуто продолжува“ во која гостуваше Анастасија Ражнатовиќ. Таа во оваа прилика откри дека не потпишала договор за доверливост и истакна дека сите свои тајни ѝ ги доверува на мајка си Цеца, а особено ѝ останала во сеќавање една расправија со нејзиниот брат Вељко Ражнатовиќ.
-Најлошата караница меѓу мене и Вељко беше кога бевме на диета. Тоа беше на Кипар затоа што многу се здебелив. Решив да јадам само галети со ориз. Не го препорачувам тоа никому. Децата не треба да го прават тоа. Имав луди идеи како брзо да ослабам. Ми остана само уште една, се симнав во кујната зашто бев гладна и го видов Вељко од страна, како седи на масата и ја јаде последната галета. Тој е слаб како гранка и може да јаде што сака. А јас само гледав како седи и го јаде тоа што е мое. Тогаш кажав нешто што не можам да го кажам јавно. Потоа доживеав нервен слом, мислам дека физички го нападнав и тој почна да бега низ куќата. Ѝ се јавив на мајка ми преку Скајп да се пожалам дека немам што да јадам – искрена беше Анастасија.
