По неколку месеци излегување во речиси исклучиво облека на луксузната модна марка „Баленсијага“ (Balenciaga), Ким Кардашијан – инфуенсерка, ѕвезда од реално шоу и мајка на четири деца, минатиот месец објави дека е новото заштитно лице на брендот.
Сега пак, по појавувањето на модната недела во Милано, ријалити ѕвездата се упати кон Париз за да присуствува на повеќе ревии на Париската модна недела.
Вчера Кардашијан ја покажа својата поддршка за колекцијата есен/зима 22 на „Баленсијага“ седејќи во ексклузивниот прв ред на ревијата и појавувајќи се во многу необично модно издание.
Имено, Кардашијан го носеше името на брендот по целата нејзина препознатлива секси фигура.
View this post on Instagram
За оваа прилика, Ким го покажа своето женствено заоблено тело носејќи ништо друго освен жолта лента со принт „Баленсијага“, со која беше обвиткана по целото тело, дури до нејзините стапала. А одбра и соодветна чанта во идентичен стил.
View this post on Instagram
View this post on Instagram
За да го комплетира изгледот, таа носеше футуристички црни очила за сонце.
А за да го задржи целото внимание на нејзината облека, ријалити ѕвездата одбра и соодвета фризура, косата со „влажни бранови“ ѝ беше залижана наназад, каскадно спуштајќи се по нејзиниот грб.
