Саманта Маркл, полусестрата на Меган Маркл, поднела тужба во Судот на Флорида обвинувајќи ја Меган за клевета „заснована на очигледно лажни и злонамерни изјави“ што и ги војвотката ги изјавила во интервјуто со Опра Винфри минатата година.
Меган и Саманта имаат ист татко, Томас Маркл, а сега Саманта тврди дека наводните лаги на Меган биле „дизајнирани да ја уништат нејзината репутација“ и ја подложиле на „понижување, срам и омраза на глобално ниво“, според Фокс њуз.
Саманта е лута поради „спинување“ на приказната „од сиромаштија до кралско семејство“ и смета дека верзијата ја измислила нејзината полусестра за сите да ги увери дека израснала во сиромаштија и дека се што постигнала во животот е благодарение на сопствената способност.
Саманта тврди дека нивниот татко Томас плаќал Меган да посетува елитни училишта и скапи приватни школи како и часови за глума и танц. Тврди дека татко им ја стипендирал Меган, а ги плаќал и нејзините трошоци за живот додека била студентка. Од друга страна пак, Меган во интервјуто за Опра изјавила дека се сама си плаќала зашто паралелно работела и студирала.
Полусестрата на Меркл ја обвинува и за уште една лага – кога рекла дека последен пат се виделе пред најмалку 18 години. Понатаму тврди дека Меган лажела кога изјавила дека Саманта го променила презимето во Маркл веднаш штом Меган почнала да се забавува со принцот Хари.
