Актерот Кијану Ривс призна дека можеби е во брак со колешката Винона Рајдер цели 30 години, благодарение на сцената од филмот.
Тоа се случило на снимањето на Дракула на Брам Стокер во 1992 година.
Ривс тврди дека режисерот Френсис Форд Копола направил неверојатна свадбена сцена за филмот, на која имало дури и вистински свештеници.
„Ја направивме целата свадбена церемонија пред камерите, а присутни беа вистински свештеници. Винона рече да, Копола го потврди тоа. Па, изгледа дека во божји очи ние сè уште сме во брак”, рече Ривс.
Инаку, Ривс не е првиот кој го коментира овој настан од снимањето на Дракула.
Рајдер зборуваше за тоа уште во 2018 година.
“Да, всушност се венчавме на снимањето на Дракула. Се колнам, мислам дека сме венчани во реален живот. Копола користеше вистински свештеници во таа сцена. Ја направивме целата церемонија и мислам дека сме во брак”, изјави Винона своевремено.
Ривс и Рајдер, независно еден од друг, признаа дека некогаш биле вљубени еден во друг, но тоа било пред многу години.
