20.8 C
Скопје
04:28 - 15 јули, 2024

(Видео) Кевин Спејси низ солзи изјави дека останал без пари и куќа: „Не сум сигурен каде ќе живеам сега“

Актерот Кевин Спејси гостуваше во емисијата „Нецензурирано“ на Пирс Морган каде низ солзи откри дека останал без пари поради низа тужби за сексуален напад.

На прашањето на Морган каде живее моментално, Спејси рече дека повеќе нема постојан дом и дека нема речиси ништо на своето име.

„Оваа недела куќата во Балтимор во која живеев беше продадена на аукција, па морам да се вратам во Балтимор и да ги префрлам своите работи во складиште. Затоа одговорот на тоа прашање е: Не сум сигурен каде ќе живеам сега“, изјави актерот.

Низ солзи кажа дека нема повеќе пари, но дека сепак успеал да избегне банкрот.
„Сè уште должам многу пари. Многу милиони. Само куќата вреди многу милиони“, рекол Спејси, според „Варајети“.

„Премногу ги користев рацете“

Од првите тврдења за наводното сексуално недолично однесување на Спејси во 2017 година, беа поднесени неколку тужби против оскаровецот. Во 2022 година, поротата во Њујорк заклучи дека тој не го малтретирал актерот Ентони Рап, а следната година британскиот суд го ослободи од обвинението за сексуална злоупотреба на четири лица. Недолго потоа излезе документарниот филм „Spacey Unmasked“ во кој има уште неколку сведоштва за неговото наводно недолично однесување кон млади актери.

Спејси од самиот почеток ги негираше сите обвинувања, но призна дека претходно „претерано ги користел рацете за да ги допира другите на сексуален начин, не знаејќи тогаш дека тие луѓе тоа не го сакаат“.

Запрашан дали тоа го гледа како злосторство, Спејси рече дека отсекогаш бил „нежен со луѓето“.

„Сакате да бидете нежни. Сакате да видите дали тие ќе одговорат позитивно“, рече Спејси.

Морган потоа го праша: „Дали сето било со соглсност на другата страна, или тоа било обид за заведување, кое доколку биде одбиено, по дефиниција станува без согласност?“.

Спејси одговори: „Тогаш треба тие да ти кажат дека не сакаат да го направиш тоа, за да разбереш дека немаш согласност и да престанеш“.

Запрашан дали разбира дека младиот актер може да биде загрижен дека некој со негово влијание би можел да му ја уништи кариерата доколку го одбие додворувањето, Спејси одговори потврдно.
Тој, исто така, рече дека е подготвен да „преземе одговорност“ за некои од неговите минати постапки, кои ги опиша како „лошо, лошо, лошо однесување“, но додаде дека „многу луѓе изнесоа лажни обвинувања“ против него, пренесува Евроњуз.рс.

Викенд среќници: На три хороскопски знаци овој викенд ќе им пораснат крилја

 

 

Слични објави

Шенен Доерти беше подготвена за нејзината смрт однапред: „Не парите, туку остануваат спомените…“

еспресо

(Фото) Српската убавица Нина Сеничар и ѕвездата на „Топ ган“ станаа родители по вторпат

Еспресо

(Фото) Има 76 години и неверојатно тело! Српската дизајнерка Верица Ракочевиќ покажа како изгледа во костим за капење!

Еспресо

Почина актерката Шенон Доерти, по долгата борба со ракот

Еспресо

Каде била Меланија Трамп за време на обидот за атентат на сопругот: Еве ги деталите

еспресо

(Видео) Обид за атентат на Доналд Трамп: Се промени рејтингот на поранешниот американски претседател

еспресо
Се вчитува....