Во семејството на познатиот холивудски пар, Мајкл Даглас и Кетрин Зита Џонс, деновиве повторно се слави. Откако во мај магистрираше на Универзитетот Браун, Дилан Даглас овој понеделник го прослави својот 22. роденден, а неговите славни родители решија да го одбележат со емотивни објави на Инстаграм.
„Радоста која досега ја донесе на овој свет е неизмерна, те сакам повеќе отколку што може да се опише со зборови“, стои во објавата на Инстаграм на Велшанка упатена до нејзиниот син Дилан, по повод неговиот 22. роденден. Заедно со емотивниот опис, 52-годишната актерка сподели неколку досега необјавени фотографии од нејзиниот син Дилан од неговото детство, а во нејзините добри желби и се придружи и нејзиниот сопруг Мајкл.
View this post on Instagram
Славниот оскаровец му посака роденден со фотографии направени на неодамнешната церемонија на дипломирање.
View this post on Instagram
Покрај синот Дилан, славниот холивудски пар ја има и 19-годишната ќерка Керис, која неодамна заврши средно училиште и како и нејзиниот постар брат реши да продолжи на престижниот универзитет Браун.
