Принцот и принцезата од Велс беа домаќини на настанот што се одржа на 8 мај во име на кралот Чарлс, а изборот на модни додатоци на принцезата веднаш го привлече вниманието на јавноста и медиумите.
Принцезата од Велс, Кејт Мидлтон, уште еднаш го покажа својот префинет стил и длабоката почит кон кралската традиција на забавата во Бакингемската палата. Посебен акцент стави на изборот на накит со големо историско и емотивно значење, суптилно оддавајќи им почит на двете најважни жени во поновата историја на британската монархија – покојната кралица Елизабета Втора и принцезата Дајана.
Нејзиниот потег беше протолкуван како гест на континуитет и почит кон жените кои пред неа имаа истакната улога во кралското семејство, а реакциите беа исклучително позитивни, со пофалби за нејзината елеганција и промисленост.
За оваа свечена пригода, 44-годишната принцеза избра крем модна комбинација од брендот Self-Portrait, која ја надополни со впечатлив наследен накит. Блесна носејќи ги бисерните обетки на кралицата Елизабета, познати како „Bahrain Pearl Drop Earrings“, како и елегантна троредна бисерна нараквица од дизајнерот Nigel Milne, која некогаш ѝ припаѓала на принцезата Дијана. Овие парчиња накит, кои Кејт со години ги чува во својата колекција, додадоа доза кралска префинетост на нејзиниот безвременски стил.
Бисерите долго време се омилени во кралското семејство и симболизираат мудрост, чистота и елеганција, а кралицата Елизабета беше позната по бисерните ѓердани и обетки кои станаа неизоставен дел од нејзиниот препознатлив стил.
View this post on Instagram
