По подолг период на отсуство поради сериозни здравствени проблеми, легендарната пејачка Зорица Брунцлик им се врати на своите работни обврски посреќна и посилна од кога било. Таа за првпат отворено проговори за тешките денови поминати во болница и за големата операција која, како што самата вели, ја извлекла „од рацете на смртта“.
Битката со воспалението на дебелото црево (дивертикулоза) била исклучително критична. Зорица признава дека на почетокот не ја сфаќала ситуацијата сериозно, но кога состојбата се искомплицирала, нејзиното семејство станало нејзин најсилен штит. Сите нејзини деца, од претходните бракови и од бракот со Кемиш, зеле одмори за да бидат деноноќно покрај неа.
„Секогаш јас бев мајката која се грижеше за нив, но овојпат тие ми беа мајки на мене. Беа избезумени од страв, а јас дури подоцна сфатив колку било сериозно,“ изјави пејачката, нагласувајќи дека во овие моменти ја почувствувала најголемата љубов од сите четири деца.
Посебно емотивен дел од нејзиното закрепнување е поддршката од нејзиниот сопруг, Мирољуб Аранѓеловиќ – Кемиш. Тој не се одвојувал од неа ниту за момент додека лежела во болница.
„Мојот Мирољуб плачеше со мене. Машките солзи се најтешки, но неговото присуство ми даде сила да победам. Беше тоа ситуација каде буквално му побегнав на гробарот, и му благодарам на Бога што процени дека сè уште не е мое времето да заминам,“ раскажува Зорица низ емоции.
