Својата приказна со Панчо од „ДНК“, Антониа Гиговска искрено ја раскажа во Фејсбук статус:
-Што и да напишам премалку ќе биде.. Беше тука за мене од самиот почеток, веруваше во мене, и секој твој збор беше “Само гази срц”!
Ќе ја чувам нашата “Ванила” и еден ден кога ќе дојдам таму ќе ја испееме заедно зошто тука не успеавме да ја испееме на ниту еден концерт.. Само таа ми остана од тебе, а сакавме да направиме уште една..
Чувај ги Андреј и Сара а ние тука ќе ве чуваме вас во нашите срца и многу гласно ќе ги пееме вашите песни на секој наш настап..
Ќе фалиш ти, ќе фали Андреј, ќе фали ДНК и вашата музика.. Ќе ми фали и да се поткарнеме малку како што знаевме ние, зошто сега веќе ни тоа не можеме.. До следно видување срц“, напиша пејачката.
Владимир Блажев- Панчо беше погребан денес во Скопје по седум месеци поминати во болница откако настрада во пожарот во дискотеката „Пулс“ во Кочани на 16 март. Семејството, многу соработници, фанови и пријатели дојдоа да го испратат.
