Јелена Карлеуша ќе се појави во документарен филм за покојниот Саша Поповиќ, дознаваат српските медиуми. Карлеуша, која постојано ја нагласуваше својата блискост со вдовицата на Саша, Сузана Јовановиќ, го снимила својот сегмент токму по нејзино убедување.
– Јелена, по неколку години, повторно влезе во просториите на „Гранд“, каде што зборуваше за својот починат пријател во филмот за Саша Поповиќ. Бидејќи ништо не се прави без согласност на Сузана, таа инсистираше Јелена да биде поканета, со оглед на тоа што таа беше со неа во најтешките моменти. Саша, и покрај повремените несогласувања, навистина ја сакаше. Јелена се согласи без двоумење, иако во моментов не е во добри односи со „Гранд“, и за Поповиќ зборуваше само најдобро. Нејзините зборови ги трогнаа сите присутни, а уште еднаш покажа колку почит чувствува кон него. Сузана сигурно ќе биде трогната кога ќе види што изговорила Јелена. Секоја чест за неа – изјави добро информиран извор за српски „Информер“.
Сузана Јовановиќ неодамна откри дека, по смртта на својот сопруг, Јелена Карлеуша била таа што ѝ дала голема поддршка.
– Имам добри односи со Јелена. Таа отсекогаш беше добра и кон Сале и кон мене. Особено сега, кога Сале го нема, таа покажа колку е голем човек – често ми се јавува и ме прашува: „Суле, дали ти треба нешто? Знаеш дека секогаш сум тука за тебе!“ Ѝ благодарам за тоа. Многу значи кога луѓето ќе се сетат на тебе, особено во ваква ситуација низ која поминавме јас и моите деца. Понекогаш е доволен само еден убав збор, и ништо повеќе – рекла Сузана.
