Македонскиот рапер Тони Петковски, познат како Тони Зен, по вторпат стана татко. Според информациите на „Слободен печат“, неговата сопруга Валентина се породила на 3 декември и на свет донела девојче.
Тие ѝ дале уникатно име – Дена, кое има хебрејско потекло и значи „суд“ или „правичност“. Името упатува на личност со продорна интуиција, мудрост и способност да носи правични одлуки, особини што се сметале за благослов и силен заштитнички знак.
Парот е во брак од 2019 година, а истата година го добија и нивниот син Јасен, кој денес има шест години. Иако раперот ретко споделува детали од приватниот живот, во интервјуа низ годините често нагласувал дека раѓањето на синот било „најзначајниот момент во неговиот живот“.
