Вечерва во Македонскиот народен театар, со почеток од 20 часот на малата сцена ќе се одигра претставата „Кец на десетка“. Автор на текстот е Митко Бојаџиски, а режисерската палка ја делат Драган Спасов – Дац и Јордан Симонов.
За “едноставната мисија“:
Кога едно сосема нормално семејство ќе се собере за да се запознае со идниот зет, се очекува секој да даде сѐ од себе, да ги смири своите човечки слабости, ако ги има, нели, да ги потисне внатрешните проблеми, не толку сјајните карактерни особини, фактот дека можеби сте пред развод… Се очекува да оставите максимален впечаток на другата страна, до степен да се прашува со што ја заслужил таа неверојатна среќа да ве сретне токму вас како прибежиште, како иднина, како судбина…
Улоги: Таткото Доксе – Александар Микиќ, Мајката Грациела – Тања Кочовска, Ќерката Ана – Нина Деан/Софиа Насевска-Трифуновска, Тоше – Ивица Димитријевиќ/Стефан Спасов
Билетите по цена од 300 денари се во продажба на билетарницата во МНТ и онлајн преку веб-страницата www.mnt.mk
