Веста дека здравствената состојба на Саша Поповиќ е нарушена и дека е на лекување ја потврдија и неговите колеги од продукцијата „Гранд“, а Снежана Ѓуришиќ пред неколку дена откри дека го очекуваат на следното снимање на „Ѕвезде Гранда“.
Екипата на емисијата „Папарацо лов“успеа да го сними Саша како се шета низ белградските улици, а по објавувањето на емисијата во која ќе се емитува оваа снимка, реагираше поп дивата Јелена Карлеуша.
– Штотуку видов најава за папарацо ТВ снимка на Саша Поповиќ, кој е болен и се наоѓа на сериозно лекување. Зошто ТВ најава? Зошто таа снимка? Кој треба да го види? Гледачи? Разбирам реални шоуа на ТВ, курви, ѓубриња, наркомани, полуумови, ретардирани, тепачки, секс, најлошото го разбирам на малите екрани. Кој сака нека гледа, никој никого не тера, 21 век е – почна Карлеуша, па продолжи:
– Но! Снимка од болен човек и снимка тајно….тоа не ми е јасно! Не ми е гајле дали некој сака да го види – не треба! Не Саша Поповиќ, но никогаш на никого! Разбирате, има граници. Болните не се снимаат, голите не се снимаат без нивно знаење, луѓето не се снимаат на гробишта. И точка. Ајде веќе… – заклучи Јелена на својот Инстаграм.
