Водителот Милан Калиниќ и неговата сопруга Сандра решија да стават точка на бракот по 18 години заеднички живот, кога сфатија дека за нив и за нивните деца е најдобро секој да оди по својот пат.
Двајцата наводно многу брзо се договориле за разводот и како да го поделат брачниот имот, за сѐ да помине што побрзо и побезболно, пред сѐ заради нивните две деца.
Милан веднаш прифатил станот во кој живееле заедно со години на Вождовац да им припадне на Сандра и нивните деца и таму ќе продолжат да живеат. Тој се преселил кај мајка му во центарот на градот и живее таму веќе некое време, јавуваат локалните медиуми.
Менаџерот ќе ги задржи во негова сопственост џипот и скутерот, кои секојдневно ги користи за да ги заврши сите свои обврски низ градот. Покрај станот Сандра ќе има и еден автомобил.
Калиниќ претходно зборуваше за врската со Сандра, а наведе и голем број детали.
– Со Сандра сме заедно толку долго и сѐ повеќе уживаме, но како одминува времето сѐ повеќе се дружиме, се смееме уште повеќе од порано и се надополнуваме. Тоа се ретки работи што ги имаме затоа што, гледајќи ги другите луѓе, разбирам дека многумина се заедно само формално, или дека поради некоја причина го изгубиле тоа „нешто“ и веќе не е тоа – рекол Милан во една прилика, а пренесуваат медиумите.
