Дарко Лазиќ има три деца со три различни партнерки – со првата сопруга Ана Севиќ ја има ќерката Лорена, од вонбрачната врска со Марина Гагиќ го доби синот Алексеј, а со сегашната сопруга Катарина ја има најмладата наследничка, Срна.
Пејачот отворено проговори за своите деца и за родителството, признавајќи дека во животот направил многу грешки и дека не би сакал неговите наследници да ги повторуваат.
„Лорена има 11 години и полека влегува во рана пубертетска фаза. Алексеј има шест. Иако се мали, денешниве деца многу знаат,“ вели Дарко.
Тој истакнува дека е исклучително горд на нив.
„Лорена е прекрасно воспитано дете. Сè потекнува од домот – Ана навистина ја воспитала сосема правилно, а и Даниел, со кого живее. Ниту Ана ниту јас нема да имаме проблеми со неа. И искрено би сакал моите деца да бидат тоа што јас не успеав да бидам – спротивно од моите грешки.“
Односот со првата сопруга Ана
Дарко и Ана имаат одличен однос иако одамна не се заедно, а тој открива како го одржуваат тој мир:
„Многумина не разбираат и мислат дека играме некоја серија. Не, едноставно сме нормални и зрели луѓе. И навистина би сакал секој што е разведен, а има деца, да го види нашиот пример и да се обиде да го примени истото.“
За сообраќајката и возењето
Лазиќ се осврна и на сообраќајката и на полемиките околу неговото возење:
„Чекаме да заврши судскиот процес. Каква и да биде одлуката – ќе ја испочитувам. Имам чешка возачка дозвола. Ако ми го забранат возењето, ќе го прифатам тоа. Можам да управувам возило, но не сакам да предизвикувам реакции. Штом ме видат зад волан, веднаш почнуваат приказни. Па луѓе мои, никого не сум убил. Сè ова се зборува затоа што сум јас во прашање.“
Тој проговори и за снимките кои кружат по социјалните мрежи, а се однесуваат на неговите прекршоци во сообраќајот:
„Сакам да се шалам на сопствена сметка. Благодарен сум што сме живи и здрави – такви работи можат да му се случат на секого, особено во нашиов бизнис. Крив сум и не бегам од тоа. Не требаше тогаш да седнам зад волан, но што било – било.“
На многубројните понуди за часови по возење што ги добива, тој со насмевка одговорил:
„Часови по возење би можел само јас да држам,“ изјави Дарко за „Курир“.
