Принцот Хари и Меган Маркл ‘ќе престанат да снимаат документарни филмови за да се посветат на романтични комедии, ова го пренесува британски Мирор.
Според изворот, Војводите од Сасекс се подготвени да се откажат од документарните филмови базирани на нивниот живот и на животот во кралското семејстви, со цел да се фокусираат на лесни и пријатни сценариски проекти.
„Ќе стават поголем фокус на измислените содржини со сценарио. Тоа ќе бидат романтични комедии, смешни, пријатни и лесни програми “, прецизира инсајдерот.
Меган Маркл во минатото постојано зборуваше за љубовта кон романтичните комедии. На прашањето на Variety за нејзиниот идеален проект за „Арчевел“, Меган одговори:
„Луѓето сакаат љубов. Јас не сум исклучок. А мојата дефиниција за љубов е многу широка: љубов кон партнерот, љубов кон себе, љубов кон општеството и семејството. Тоа го користиме како основа за емисиите и документарните филмови што сакаме да ги објавиме“.
Во септември 2020 година, принцот Хари и Меган Маркл потпишаа 5-годишен договор со Нетфликс за производство на документарни, играни филмови и серии. Зделката беше проценета на 100 милиони долари, Нивната дебитантска работа беше документарната серија „Хари и Меган“, посветена на историјата на нивната врска и животот на двојката откако тие поднесоа оставка од кралските овластувања.
Војводата и војвотката од Сасекс моментално продуцираат уште еден документарен филм на Нетфликс за светските лидери насловен „Live to Lead“.
