Грузиската шаховска шампионка Нона Гаприндашвили поднела тужба против американската продуцентска куќа „Netflix“ и тврди дека таа била погрешно прикажана во серијата „The Queen’s Gambit“.
„Во една од епизодите во кои беше прикажана во 1968 година, коментаторот наведува дека шахистката Нона Гапринадшвили никогаш не играла против мажи, и тоа не е точно“, посочила адвокатката Маја Мцаријашвили, пренесува руската новинска агенција „ТАСС“.
Адвокатката вели дека нејзината работа на тужбата започнала веднаш по прикажувањето на телевизиската серија.
Тужбата била поднесена до Сојузниот окружен суд во Лос Анџелес, а во истата било наведено дека до 1968 година, Гаприндашвили, која била првата жена со статус на меѓународен велемајстор, играла шах со најмалку 59 мажи.
80-годишната Гаприндашвили сега бара отштета од 5 милиони долари и отстранување на тој дел од серијата дека никогаш не играла против мажи.
Во тужбата се посочува и дека таа се чувствува навредена бидејќи „Netflix“ ја опишува во серијата како руска шахистка.
