Претходните недели во центар на скандал се најде пејачката Ана Николиќ, а голема поддршка и даде нејзината колешка Гога Секулиќ.
На прашањето на новинарите дали се слушнале, откако се понуди да ѝ помогне, Гога одговара – „Се уште се немам слушнато со неа, но планирам да ја најдам. Не би сакала преку социјалните мрежи, можеби некој друг ги има шифрите, но некако ќе ја најдам – истакна пејачката, па додаде:
– Сите ние луѓето поминуваме низ некои животни ситуации, некои се справуваат со тоа, а некои не. Многу зависи од тоа со кого живееме, кои се нашите родители, кои се нашите пријатели и околината, се разбира.
-Знам дека кога беше најпопуларна сите трчаа околу неа. Јас тоа го гледам по себе, ќе исфрлам хит и вистински пријатели се секогаш тука и моето семејство. Моите родители и до ден денес се строги, секогаш има критики, „закопчај се“, „дали мора да се фотографираш во костим за капење“, секогаш имаат замерки. Меѓутоа, тоа е така, кога имаш добра кола, многу пари, јадеш во добри ресторани – сега некој ќе се навреди ама не е важно- тогаш сите се тука, а штом некој малку падне , сите се пакуваат и одат кај оние следните, а овие остануваат сами. Затоа човек мора да биде психички силен и да продолжи понатаму – ѝ порача Гога на Ана.
Потсетуваме дека Гога минатата недела застана во одбрана на Ана објаснувајќи дека кога неа ѝ било најтешко, таа веднаш ѝ се понудила за помош.
„Ме покани на ручек и ми стави пари во чантата. Сакав да ѝ вратам, но таа ми рече дека не доаѓа предвид, дека знае во каква ситуација сум. Никогаш нема да го заборавам тоа“ – нагласи Секулиќ.
