Поранешниот гувернер на Џу Џерси, Крис Кристи, го повика својот сојузник, Доналд Трамп, да се откаже од напорите за пррсврт на изборен пораз од Џо Бајден на претседателските избори во САД.
Кристи, на телевизија „Еј-Би-Си“, го опиша правниот тим на Трамп како „национален срам”, објаснувајќи дека тие често зборувале за изборни измами надвор од судницата, но не коментирале ништо за тоа кога ќе влезеле во судницата.
– Бев приврзаник на претседателот, гласав за него двапати. Меѓутоа, изборите имаат последици и не можеме да продолжиме да се однесуваме како ништо да не се случило, изјави тој за американската телевизија.
Кристи беше првиот гувернер кој во 2016 година го поддржа Трамп, а, исто така, му помагаше во подготвувањето на дебатата со демократскиот кандидат Џо Бајден, пренесе „Би-Би-Си“.
Веста е преземена од slobodenpecat.mk со претходна дозвола од порталот.
