17.8 C
Скопје
23:16 - 25 мај, 2024

(ФОТОГАЛЕРИЈА) ВО БУКОВО ПО БУКОВСКА ПИПЕР: На гости кај Даниела Мандровска

даниела мандровкса буковска пипер

На прв поглед селото Буково не личи на ниедно друго село. Кога чекорите низ него, многу е поверојатно да ве потсети на град од дваесеттите години на минатиот век или на некоја сценографија од адаптираните серии по романите на Мир-Јам. Но Буково, иако нетипично, е посветено на најголемата наша љубов – ПИПЕРКАТА.

Низ својата историја, селото ја негува и усовршува уметноста на правење пипер.

Во Буково разговаравме со Даниела Мандровска за производството на буковска пипер. 

Што ве инспирираше да правите пипер? Спомнавте дека семето е старо над 100 години. Дали ја наследивте традицијата и колку време сте во Буково?

– Производството на буковска пипер е процес кој започнал пред неколку векови и кој сè уште трае. Тоа е традиција која со гордост ја прифативме од нашите предци и со радост продолжуваме да ја афирмираме, бидејќи живееме во Буково, тоа е наше родно место и неизбежно е да немаме љубов кон изработката на буковската пипер.

фото: приватна архива

Како изгледа процесот на правење пипер?

– Приготвувањето започнува на есен. Додека сè уште времето е топло, црвените пиперки во низи се сушат надвор, на отворено. Кога започнува зимскиот период, во ноември, пиперките се носат во сушница. Тоа е мала просторија каде гори мала печка и тука се досушуваат пиперките на температура од 60 до 80 C во период од една до две недели. Потоа пиперките се „грушат” па се толчат со посебни алатки како дрвено кутле и ќускија.

Дали има заинтересираност за производот на нашиот пазар, па и во странство? И колку имате капацитет да произведете?

– Со оглед на тоа дека во последните години свеста за конзумирање на органска храна кај луѓето е на се повисоко ниво, интерсот за нашиот производ постојано се зголемува. Моментално не располагаме со огромни количини бидејќи се изработува рачно и процеост трае подолго. Капацитетот е околу 150 до 200 килограми годишно.

фото: приватна архива

Кој ви е омилен рецепт што ја става во фокус посебноста на буковската пипер?

– Сите традиционални македонски јадења ја содржат буковската пипер, но како посебни би ги издвоиле тавче гравче и свирипиле.

фото: приватна архива

За крај, што се јаде повеќе, лута пипер или блага?

– Во зависност од вкусовите на луѓето, подеднакво се конзумира и лута и нелута пипер.

 

фото: приватна архива
фото: приватна архива
фото: приватна архива
фото: приватна архива

Слични објави

Јелена Карлеуша „за коси“ ја фати Северина: „Не ме интересира ништо поврзано со Душко“

еспресо

Се огласи отуѓениот сопруг на Јелена Карлеуша: Еве зошто Душко ѝ се јавил на Северина

еспресо

Соседите откриваат какво е семејството на Јована Јеремиќ: „Малку се чудни…“

еспресо

Сè што се знае за ракот на Кејт Мидлтон: Нема да се врати до крајот на годината

еспресо

(Фото) Торта во облик на срце и розово мече: Анастасија Ражнатовиќ слави роденден во Шпанија

Еспресо

Синот на Драгана Мирковиќ размислува за селење во Белград: „Тука веќе никој не верува во Бога“

еспресо
Се вчитува....