Вчеравечер, Тамара Тодевска настапи пред евровизиските фанови на предевровизиска забава во Мадрид. Ги испеја нејзините евровизиски хитови „Прауд“, со која нè претставиуваше на Евросонг во 2019 година и со „Во име на љубовта“ со која во 2008 година настапи заедно со Адријан Гаџа и Врчак.
На црвениот тепих пред настанот, пејачката позираше во друштво на својот партнер, архитектот Лука Радовиќ. Потоа, ѝ се придружи и српската овогодишна претставничка на Евровизија, Теја Дора.
За оваа пригода, Тамара одбра секси модна комбинација – трендовски широки фармерки, црно, проѕирно боди врз кое носеше кратко сако со риги.
Изгледот го заокружи со црни сандали со високи потпетици, црвен лак на ноктите, елегантни обетки и дискретна шминка.
Фановите на пејачката се согласија дека особено во друштво на новата љубов, таа блеска.
