Пејачот Дино Мерлин ретко ја покажува својата сопруга Амела со која има две деца, но нивната љубовна приказна, односно забранета љубов ги шокира и инспирира луѓето со години.
Песната „Kad si rekla da me voliš“ и ѝ е посветена токму нејзе, која кога ја запознал, му била забранета и недостижна. Всушност, голем број од неговите песни ѝ се посветени токму нејзе.
Родителите на Амела биле против нејзината љубов кон Дино, бидејќи тој бил сиромав, а таа студирала архитектура и била од сè задоволена.
„Се боревме, се криевме, но никој не можеше да нè раздели. После пет години тајно се венчавме. Тоа беше романтична свадба, иако буквално ја киднапирав сопругата. Само кумот и сестрата на Амела, која беше кума, беа со нас. Говорот на матичарот ми се чинеше предолг, постојано гледав во вратата за никој да не наиде и да ни ја расипе среќата“.
Дино еднаш изјави дека никогаш нема да го заборави моментот кога по првата турнеја низ Југославија се вратил дома со празни раце и гладен.
„Жена ми стоеше на вратата и ме чекаше со бебето. Наида можеби имаше половина година, а Амела само што завршуваше на архитектурата. Тивко ме праша „Дали ни донесе нешто? Немам за млеко.” Немав ни еден динар. Ништо не донесов бидејќи ништо не заработив. Имаше големи трошоци. Би дал сè да можев таа вечер да одговорам: „Да, донесов 100 марки”.
