Дали ќе мора да се вакцинираме сите против ковид двапати годишно? Еве го мислењето на Ендрју Полард, еден од креаторите на вакцината Оксфорд-Астра Зенека.
Периодичното вакцинирање на секој жител на планетата против Ковид не е одржливо: гласно и јасно вели Ендрју Полард, професор на Универзитетот во Оксфорд кој придонесе за развојот на вакцината Оксфорд-Астра Зенека.
Во интервју за британскиот канал SkyNews, експертот изјавил дека аплицирање на бустер дози на граѓаните на целиот свет на секои четири или шест месеци не само што не е можно, туку веројатно не е ниту потребно. Понатаму дополнува дека најранливите поединци ќе треба периодично да се вакцинираат, но дека во иднина е многу малку веројатно дека ќе треба да се организираат редовни кампањи за вакцинација.
ПРВА ДОЗА. Полард, исто така, ја допира темата за која често се дискутира, онаа за многу нискиот опфат со вакцинација на најсиромашните земји: „Не успеавме ни да му понудиме доза на секој африкански граѓанин“, коментира тој и додава: „како можеме тогаш некогаш да дојдеме до поентата на применување на четврта доза на секој човек на планетата?“.
ЧЕТВРТА ДОЗА: ДА ИЛИ НЕ? Додека Полард ја отфрла идејата за четврта доза за секого, Израел веќе почна да дава уште една дополнителна доза за над 60. годишните граѓани, а германскиот министер за здравство Карл Лаутербах рече дека четвртата доза „ќе биде неопходна“.
Од друга страна, повнимателен е американскиот имунолог Ентони Фаучи, според кого се уште е прерано да се зборува за четвртата доза: „Една од работите на која ќе мора да внимаваме е времетраењето на дадената заштита со бустер дозата“, објаснува Фаучи, истакнувајќи дека ако засилената доза штити подобро од само две примени дози, четвртата доза можеби нема да биде потребна долго време.
Уште еднаш мора да се нагласи дека иднината е само делумно во наши раце: соочени сме со вирус кој секој ден нè принудува да ги преиспитуваме нашите верувања во „добрата страна„ на новите варијанти, па ни останува само да чекаме и да се надеваме дека Омикрон е излезот од пандемискиот кошмар.
