Сања Савеска е една од нашите омилени Тв водителки, домаќинка на популарното шоу „Брза кујна“ на ТВ Сител. Сања е често присутна во медиумите, а за за неа се знае дека е во долга врска со Томи, кој е неврохирург.
„Сакам да готвам, јас всушност сакам да поминувам време дома и да бидам со најблиските. Овие неколку години откако сум во „Брза кујна“, сакам да ги пробувам рецептите на шефовите, и нормално не ми излегуваат така вкусни како што тие ги подготвуваат. Треба уште да “крадам” од нивните вештини. Но, знам да подготвам убави традиционални јадења , знам и кифлички да месам, и тоа меки и убави како душа“, изјави Сања претходно за „Слободен печат“.
За својот сакан, таа во истото интервју рече:
„Ние сме долго време заедно и јавноста знае онолку, колку ние сметаме дека е потребно, а што помалку се знае, толку е подобро. Живееме мирен живот, посветен на нашите планови“.
Сања веќе беше на еден одмор во Египет, од каде што често објавуваше егзотични фотографии, но без партнерот. А сега, убавата водителка пак „летна од Македонија“.
Таа објави видео од скопскиот аеродром со песната од Каролина Гочева, „Ајде да летаме“ и со знак дека некаде ќе патува. Водителката не откри каде ќе оди овојпат, и најверојатно во следните приказни и објави на социалните мрежи тоа ќе го направи.
Она што е интересно е дека Сања е во спортска облека, без шминка, во издание во какво што многу ретко ја гледаме, кое одлично ѝ пеилега исто како и елегантните ТВ изданија.
