„Кога ќе се појавиш, дали тоа што го правиш добро го правиш и не мора толку многу да се преиспитуваш, туку и пред себе си се докажал. И сите тие аплуаузи од публиката ти даваат сигурност, сите тие аплаузи од публиката, тие успеси.
Секако дека јас сум многу самокритичен, дури и премногу и тоа ми штети. Јас никоагш не сум уживал во тоа што било добро, туку секогаш сум уживал во она што било промашено“, рече познатиот актер Сашко Коцев во една прилика.
Секоја негова изјава е интересна а интересна и неговата љубовна приказна со д-р Смиљана Бундевска која ја запросли на „Златна Бубамара на популарноста“, а сега ја имаат ќеркичката Јоана која има неполни осум години.
Сашко Коцев ретко објавува слики од својата сопруга на социјалните мрежи, а новата слика на неговиот Фејсбук профил со неа има убав повод. Сашко и Смиљана се сликани на проекцијата на филмот „Бал-кан-кан“ од режисерот Дарко Митревски, по повод 20 години откако е снимен филмот.
Во Скопје се одржа специјална проекција која прослави две децении од снимањето на овој култен филм, а Сашко Коцев и неговата сопруга изгледаат многу среќни на фотографијата од настанот.
