Емотивна приказна за борбите на својата ќерка Мина, раскажа актерката Весна Петрушевска на социјалните мрежи, по повод 21-от роденден на Мина, кој беше вчера.
– Мина денес наполни 21 година. Се познаваме точно 20 години. Имаше само девет месеци и четири и пол килограми – рече Весна, која заедно со својот поранешен сопруг Јанко Тренкоски ја посвои Мина и синот Кирил, кој сега живее во Америка со татко му.
– После сите битки, после сте страшни, страшни, страшни работи, денеска Минче студира, а јас сум најсреќен човек на светот – рече Весна Петрушевска.
Таа објави видео со фотографии од прославата на роденденот на кои се таа и Мина, заедно со Сашка, нејзината мајка.
– Имавме планови да се шетаме за овој роденден, сепак ни беше најважно да сме трите, со Сашка Петрушевска заедно. Минче пиле мое среќен 21 роденден и ти навистина си пример како треба едно девојче да се бори и да се избори.
Мина ти си цар. Ти си сонце кое ја чуваш баба, ти си Божји дар за мојата насмевка и светлина која чекори – напиша Весна.
Мина, ќерката на Весна Петрушевска, лани во ноември поминала 15 дена на апарати во болница во Дубаи, откако изгубила свест и ѝ дијагностицирале белодробна емоболија или белодробен инфаркт. Таа заминала да работи во Дубаи со Моника Милкова, семејна пријателка на Петрушевска, во оддел за човечки ресурси во агенција за недвижности.
