Марко Маринковиќ – Слаткар објави најјака фотографија на социјалните мрежи и со неа ги изненади своите следбеници и фанови и доби многу коментари.
Имено, тој се сликаше во училишна клупа, со старински дневник кој порано го користеа наставниците, а на таблата зад него се напишани песните кои се на неговиот нов албум.
На албумот, како што пишува на таблата има многу гости, а дел од нив е и Калиопи, за која Слаткар претходно напиша: „Да ја имаш Калиопи како гостинка на Албум е голема привилегија. Нашиот дует е само дел од тоа што следи. Наскоро…“
– Сите наши приказни се вистински… Наскоро следува уште една, нова – додаде Калиопи за новната соработка.
Инаку, Слаткар се расплака на неговиот голем хит „Да полетам“, додека ја пееше заедно со Калиопи на спектакуларниот концерт кој го одржаа заедно со Тони Зен, на 11 октомври во Арената „Борис Трајковски“.
Никој не очекуваше ниту, пак, знаеше дека Калиопи ќе биде гостинка, тоа беше најубавото изненадување на крајот од концертот кој долго ќе се памети.
