Неодамна станаа родители, но тоа не ги спречи Ал Пачино и неговата 29 годишна девојка Нур Алфалах да излезат во јавност.
83-годишниот Ал Пачино и неговата девојка Нур Алфалах (29) биле забележани во јавност за прв пат по раѓањето на нивното дете, пишува Page Six.
Ѕвездената двојка вечерала во ресторанот на хотелот Сансет Тауер, кој се наоѓа во Западен Холивуд.
Пачино и Алфалах се појавија во слични тотално црни модни изгледи. Очевидците забележале дека и покрај неодамнешното породување, избраничката на актерот била во добра форма а тоа го покажа облечена во црни хеланки.
Да потсетиме дека веста за раѓањето на уште еден наследник на ѕвездата од „Кум“ се појави на 16 јуни. Според изворите, Пачино и Алфалах добиле син кој го крстиле Роман.
За актерот ова дете е четврто.Пачино веќе ја има 33-годишната ќерка Џулија Марија, како и близнаците, 22-годишниот Антон Џејмс и Оливија Роуз. За Алфалах пак, ова е прво дете.
Познато е дека Нур не е рамнодушна кон постарите мажи. Пред Пачино се забавуваше со 78-годишниот Мик Џегер и 91-годишниот Клинт Иствуд. Во исто време, тешко е да се нарече ловец на туѓи пари. Алфалах е родена во богато семејство и е наследничка на богатство од повеќе милиони долари.
