Градоначалникот на Општина Гази Баба, Бобан Стефковски попладнево се вклучи во полициската патрола во автобус на Јавното сообраќајно петпријатие Скопје, откако минатата недела во неколку инциденти во автобусите на ЈСП имало повредени ученици.
„Попладнево лично имав можност заедно со преставници на полициската станица од општа надлежност Гази Баба да патувам со автобусот на ЈСП Скопје со број 65 од Автокоманда до Стајковци. Се сретнав со средношколци но и граѓани со кои разговаравме по однос на немилите настани кои минатата недела се случуваа во овој автобус и мојата порака до сите беше: насилството мора да запре!“, порача градоначалникот.
Претходно градоначалникот на Фејсбук информираше дека неколку дена по ред се случуваат инциденти во автобусите на ЈСП во кои биле повредени деца од Општина Гази Баба.
Полициски патроли ќе има во автобусите, додаде Стефковски, се до целосно надминување на ваквите проблеми.
