53-годишниот британски супермодел и актерка Наоми Кембел се сретна со францускиот претседател Емануел Макрон во рамките на модната недела во Париз. Ѕвездата на модната писта се пофали за срдбата на својот Инстаграм профил.
„Ви благодарам, господине претседателе и госпоѓа Брижит Макрон. Ја имав честа да бидам поканета на вечера за да ја прославам извонредноста на француската мода“, коментираше супермоделката со кинеско-јамајканско потекло на средбата, покажувајќи фотографија од Елисејската палата.
„Никогаш нема да има друга како тебе!! Твојата убавина зрачи одвнатре“, „Ти си совршена гостинка затоа што си многу важна за оваа индустрија“, – пишуваа дел од следбениците на Наоми на Инстаграм, но бројни беа и оние кои ѝ дофрлуваа – „Наоми прашај го кога планира да се погрижи за својата земја? Ова е хаос… Благодарам“, „Макрон се занимава со мода, наместо со актуелни случувања во земјата“, гласат некои од коментарите.
