Тамара Тодевска во една прилика има изјавено дека спонтаноста, едноставноста, позитивната енергија се секогаш особините што ја привлекувале кај нејзиниот партнер.
„Лука е многу внимателен и посветен. Оттука, јасно е зошто добро функционираме.
Имаме допирни точки. Лука сака архитектура, сака минимализам, знае честопати да каже што му се допаѓа или не му се допаѓа во моите нови песни, спотови и тоа е сосема прифатливо за мене“, рече пејачката за „Слободен печат“.
Лука е инаку архитект по професија и често уживаат во заедничките патувања на кои се и нејзините деца, Хана и Дарен.
На една од поновите слики на стори на Инстаграм, Тамара покажува како ја чува нејзиниот Лука. Таа изминативе денови објавуваше слики од Маврово со својот сакан, а новата слика е појадок во кревет и јасно се гледа дека Тамара е чувана како кралица и ужива во љубовта до максимум.
