Лила Филиповска го живее животот со полни гради, таа во моментов ужива во нова авантура на егзотично место.
Познатата водителка и инфлуенсерка е во Рио де Жанеиро во Бразил со својата пријателка и со група жени, а на Инстаграм постојано објавува фотографии и видеа од нивните доживувања.
Коктел на плажа, излегување во Копакабана, стадионот „Диего Армандо Марадона“ , сето ова Лила го покажува на својот инстаграм-профил уживајќи во истражувањето на Бразил.
Но, една фотографија е највпечатлива од сите.
На фотографијата, Лила и албанската пејачка Биг Мама се на плажа, облечени во шорцеви и маици слични на бразилските дресови, токму во земјата каде што луѓето живеат за фудбалот.
Инаку, ова е роденденско патување на Лила.
Таа на 15 октомври наполни 54 години. И уште на скопскиот аеродром доби голема роденденска торта и ги дувна свеќичките, а потоа доби торта и во авионот. По она што го објавува на социјалните мрежи, таа слави роденден цела недела, а нови авантури допрва ја чекаат.
