Лепа Брена викендов беше поканета да пее на геј венчавката на Србин и Хрват во Палма де Мајорка, каде создаде атмосфера за паметење. Само за вечерната забава на свадбата српскиот дизајнер ѝ исплатил 30.000 евра, а младенците одлучиле на Брена да потрошат уште 20.000 евра на сите луксузи за уживање во Шпанија.
Така, Брена го спои деловното со релаксација. Во Шпанија таа ја донесе и својата пријателка, а ќе останат една недела.
Брена уживаше во шампањ и јагоди, а потоа позираше за Инстаграм, облечена во бела комбинација, со чаша во рака, додека зад неа се протега неверојатен поглед на морето.
Нејзината снаа Александра Пријовиќ беше една од првите што ја „лајкна“ нејзината објава и остави коментар – емотикон со црвено срце.
Пристигнаа и куп други позитивни коментари особено во полза на нејзиниот изглед и на тоа дека ја сочувала југословенската душа.
Да потсетиме, Брена и Прија неодамна настапија заедно на спектакуларниот втор концерт на Александра Пријовиќ во Белград, во Штарк Арена.
Во дует ја изведоа песната „Посакај им среќа на другите“, која Брена ѝ ја посвети на својата снаа.
Кон крајот на песната Пријовиќ се расплака, а Брена ја соблече наметката и потоа цврсто ја прегрна Александра, па и таа почна да плаче, оставајќи ја публиката без здив.
