На сериозна конференција на која присуствуваше, на реалити ѕвездата Ким Кардашијан ѝ пукнаа панталоните.
На риалити ѕвездата Ким Кардашијан ѝ пукнаа панталоните додека се подготвуваше да зборува на конференција во Милано. Таа зборуваше за сопствената брука отворено во новата епизода од серијата на платформата Хулу.
42-годишната Кардашијан проговори за немилата случка која ѝ се случила во Италија. За јавната дебата таа носеше микро маичка во облик на прслук, тесни панталони од латекс од марката Гучи, чизми со високи потпетици и долга јакна. Кардашијан истакна дека во текот на целиот настап чувствувала голема непријатност.
„Ми се залепија (панталоните) за задникот. Толку беше во нив болно и жешко. Се задушував во нив а потоа застанав на сцената и го чекав секој здив на ветрот. Горев од срам“, напиша Кардашијан.
Во моментот кога реалити ѕвездата ја напуштила сцената и влегла во соблекувалната, панталоните конечно ѝ пукнале на задникот.
Во 2022 година, Кардашијан присуствуваше на годишната Мет Гала облечена во супертесен фустан на Мерлин Монро. Ова излегување ја чинело многу пари и труд: за да се вклопи во фустанот, изнајмен од музејот Рипли за 5 милиони долари, таа изгубила 7 килограми за три недели. Потоа следуваа куп обвиненија за Ким поради оштетувањето на легендарниот фустан (кој е музејски предмет) – фустанот наводно напукнал на шевовите, а кристалите делумно се откинале. Сепак, претставниците на музејот Рипли, кој ја чува облеката на Мерилин Монро, уверија дека фустанот првично бил во ваква форма.
