Еден од најдобрите фудбалери во светот, Аргентинецот Лионел Меси, по истекот на договорот со францускиот Пари Сен Жермен, кариерата ја продолжува на американскиот континент, каде потпиша договор со Интер Мајами, клуб во сопственост на Дејвид Бекам. .
Како што веста се ширеше со молскавична брзина, популарноста на клубот растеше невидено – помалку од милион луѓе го следеа на социјалните мрежи, а денес има повеќе од седум милиони. Секако поскапеа и влезниците за натпреварите, па ако до неодамна чинеа околу триесетина долари, сега кај препродавачите чинат најмалку десет пати повеќе.
Меси веќе најде место каде ќе си направи „гнездо“ со сопругата Антонела и трите деца Тијаго, Матео и Сира, а тоа е луксузен стан на два ката во елегантната кула Порше Дизајн на плажата Сончев остров во Мајами.
Lionel Messi’s family just purchased this $7.3M condo in Miami, per @trdny.
He already owns a $5M condo right down the street.
Messi to Miami confirmed? pic.twitter.com/pzxLZEqsdb
— Joe Pompliano (@JoePompliano) April 21, 2021
Под името на брендот на истоимениот германски производител на автомобили, зградата може да се пофали со три лифтови за автомобили кои им овозможуваат на жителите да ги паркираат своите возила во стаклена површина на истиот кат каде што се наоѓа нивниот стан опремен, се разбира, со најсовремени апарати и најмодерна технологија.
Messi make luxury buy in Miami
Messi has spent a whopping 7.3 million euros on apartment with sea view.Lionel Messi’s family have reportedly acquired a furnished apartment with four bedrooms, four bathrooms and sea views in a unique building Sunny Isles Beach near downtown Miami pic.twitter.com/AOoB1DcXoB
— ZB- AmpleFootball (@zurichbound) April 24, 2021
Овој софистициран станбен облакодер е суштината на луксузното живеење, има 132 станбени единици од 250 до 500 квадратни метри со балкони и поглед на океанот, приватен ресторан, приватно кино, огромен базен, најсовремен спа и фитнес центар, соба за забава, терен за голф, салони за нега и убавина, барови…
Меси за својот стан во оваа луксузна зграда платил „безначајни“ 7,1 милиони долари, а со оглед на тоа дека во Мајами ќе добива неверојатни 50 милиони долари по сезона, како што се шпекулира, станчево е ситница.
„Да ми беа важни парите ќе одев во Саудиска Арабија, тоа беше баш многу пари, но мојата одлука е донесена поради семејството, а не поради пари“, рече скромниот Меси по потпишувањето на договорот со Мајами кој му го осигура статусот на најплатен фудбалер во светот.
