Американската актерка Гвинет Палтроу во текот на неделава била уловена од папараците со седа коса и без шминка додека вечерала во ресторанот „Mr. Chow“ во Беверли Хилс заедно со синот Мозес (17) и сопругот Брад Фалчук, пренесува „Page Six“.
Ваквото целосно природно издание на актерката во јавност доаѓа еден месец откако за британскиот „Vogue“ изјави дека го „прифаќа“ стареењето.
„Како жени, сакаме да бидеме здрави, сакаме да старееме. Оваа идеја дека треба да бидеме замрзнати во времето е толку чудна. Мажите кои имаат седа коса се сметаат за згодни, но за жените не е така. Дефинитивно постојат двојни стандарди“, вели актерката.
