По 10 и пол години живот во Австралија и по речиси две години пауза, фолк-пејачката Татјана Лазаревска во јули се врати дома, во Македонија. Но, овојпат не дојде со комплетното семејство, туку само со едниот син, Петар.
Објавувајќи слики од скопскиот аеродром тогаш Лазаревска напиша дека дома си дошла едната половина од семејството Василевски. Вчера, Татјана објави убава вест од аеродромот и едно среќно видео, како нејзиниот сопруг Новица и синот Стефан пристигнуваат во Скопје.
„Втората половина Василевски пристигна. Цело е кога има сѐ“, напиша Татјана до сликата со најмилите. Во меѓувреме, таа имаше „турбо“ денови во родната земја. Беше во Битола, Скопје, Охрид и настапуваше на разни забави и прослави.
Во 2023, Татјана сними емотивна балада во која многу жени се пронајдоа со наслов „Жена хероина“. Татјана и нејзиниот сопруг Новица Василевски, неколку дена пред да заминат за Австралија, во септември во 2023 година, направија двојна промоција во скопски ресторан.
Една за баладата на Тања, друга за нивниот дует од „Охрид фест“, „Љубов ни е име“. И двата спота се снимани во Охрид на неколку места во продукција на „ИН ТВ“.
„Сите денови овде ми беа како сон, сето ова ми е како сон. Дури кога ќе седнам во авион, знам дека ќе плачам, толку многу спомени ќе носам од изминативе недели колку што сме тука“, рече Татјана за „Еспресо“ тогаш.
Во 2020 година, пред пандемијата, Татјана заедно со сопругот беше ангажирана околу уредувањето на нивната нова куќа, во Мелбурн. По пет години откако се преселија во Австралија, Татјана и Новица со синовите рекоа дека се среќни што живеат во сопствен дом.
Во новата куќа, тие симболично се вселија на 14 јануари, на Василица. На 20 јануари ја осветиле, а тоа е денот кога се преселиле во Австралија.
