54-годишната американска пејачка и актерка Џенифер Лопез, откако се омажи за Бен Афлек и заедно купија луксузен имот за 60 милиони долари, одлучи да ја продаде својата куќа од 1115 квадратни метри во Бел Ер, пишува People.
Имотот од осум хектари првично беше ставен на продажба шест месеци по венчавката за 42,5 милиони долари, а сега Лопез го продаде за речиси 34 милиони долари. Пред пејачката, сопственик на куќата до 2016 година беше актерката Села Вард, која ја продаде на Џеј Ло за 28 милиони.
Изграден од познатиот архитект Семјуел Маркс и опкружен со бујно зеленило, овој луксузен комплекс дава идилично француско чувство на село. Употребата на изложбени дрвени греди и наредени камени делови низ целата територија создаваат прекрасен рустикален стил, додека модерните детали како мермерниот камин и прозорците низ кои се влеваат сончевите зраци изгледаат многу луксузно.
Куќата има девет спални соби и 13 бањи, голема библиотека, дневна соба со бар и камин и домашно кино со 30 седишта. Луксузната кујна е составена од два дела, односно може да се користи и како трпезарија.
Имотот, исто така, вклучува уште една посебна гостинска куќа со голем двор, амфитеатар со 100 седишта, павилјон за забава опремен со кујна, приватно езеро со песочна плажа и туш на отворено.
Името на новиот сопственик на имотот не е објавено. Леа Портер од компанијата за продажба на имоти на Беверли Хилс, која го претставуваше купувачот, одби да ги идентификува клиентите. Таа само рече дека дошле од друга држава и „буквално се заљубиле во ова место“.
.
