Меланија Трамп и пред да се омажи со Доналд Трамп привлекувала внимание, најмногу како млада и атрактивна манекенка, а со манекенство почнала да се занимава на 16 години.
Првиот професионален договор го потпишала на 18 години во Милано, а и сама се занимавала со дизајн на облека и накит.
Според нејзините фотографии од младоста, додека уште живеела во Југославија, тешко би можеле да ја препознаеме поранешната прва дама на Америка.
Инаку, Меланија во своите мемоари вели дека детството во Словенија ѝ било среќно. Мајка ѝ Амалија израснала на фарма каде се одгледувал кромид, а подоцна работела и во фабрика, а татко ѝ Виктор бил продавач на автомобили. Меланија пишува дека нејзините родители ја однеле неа и сестра ѝ Инес на концертите на Елтон Џон и Тина Тарнер, за да се чувствуваат поповрзани со западните земји.
„Скијав на Алпите и се одморав во Хрватска, на далматинскиот брег“, пишува таа и додава: „Навистина, моето детство беше исполнето со среќа, убавина и позитивност, далеку од типичната приказна за девојче кое расте во комунистичко општество“.
