Аца Лукас доживеа сообраќајна несреќа во неделата во близина на белградскиот аеродром „Никола Тесла“, само неколку моменти по слетувањето од Амстердам.
Според извор близок на Лукас кој открива за српските медиуми, Лукас бил исклучително добро расположен, бидејќи неговата најмлада ќерка Викторија го дочекала заедно со возачот, со која претходно се договорил денот да го поминат заедно. И никој не ни сонувал дека нешто може да го промени планот.
Како што пишува српски Курир, додека се уште бил во Холандија, Аца се слушнал со својата ќерка, со која се договорил да го поминат денот заедно. Токму поради оваа причина девојчето било на аеродром.
– Лукас имаше одличен настап во градот Хофдорп во близина на Амстердам. Сите гости беа презадоволни, одлично си поминаа. Кога се разбудил, отишол да купи подароци за Викторија. Тој ѝ купил торба полна со облека и плишано мече кое држи срце. Пријателите кои живеат во Холандија го повикале да оди со нив, но тој не сакал. Истакнал дека ќе ѝ купи нешто на ќерката – вели изворот и додава:
– Викторија, инаку, одлично јава, а Аца уште одамна ѝ купил коњ. Планирал да одат директно од аеродром на ручек, а потоа да одат на јавање. Малото девојче беше навистина среќно. Кога се случи сударот, била многу исплашена, побарала вода. Најважно за Аца беше што е таа добро – заклучува изворот.
Да потсетиме, Мерцедесот на Лукас го управувал неговиот возач, а несреќата ја предизвикал маж во друго возило. Пејачот седел на совозачкото седиште, додека Викторија на задното седиште. Во нив удрил автомобил „мини-купер“, а полицијата на лице место утврдила дека 27-годишниот возач не бил под дејство на алкохол.
Подоцна се огласи и Лукас нагласувајќи дека тој и Викторија се добро.
