Во својата објава „Нинџа“ истакна дека за меланомот дознал при неговиот годишен дерматолошки преглед.
Еден од најпознатите стримери на планетата, Тајлер „Нинџа“ Блевинс со своите следбеници на платформата Икс ја сподели веста дека му е дијагностициран меланом, вид рак на кожата. 32-годишниот гејмер, кој има 19 милиони следбеници на Твич, откри дека меланомот бил откриен откако му била извадена бенка од ногата.
„Нинџа“, чие име стана синоним за Твич од неговото враќање на платформата во 2020 година, ги охрабри своите следбеници редовно да одат на лекар. Со популарноста што ја ужива во видео играта Fortnite, каде играчите можат дури и да личат на него со купување скинови, Блевинс се најде и во центарот на вниманието на телевизија кога гостуваше во емисијата „The Masked Singer US“.
Во својот пост, Нинџа истакна дека за меланомот дознал при годишен дерматолошки преглед.
„Сакаа да отстранат една бенка од долниот дел на моето стапало“, рече тој, додавајќи дека лекарите се оптимисти бидејќи ракот е откриен во рана фаза.
Alright I’m still in a bit of shock but want to keep you all updated. A few weeks ago I went in to a dermatologist for an annual skin/mole check that Jess proactively scheduled for me. There was a mole on the bottom of my foot that they wanted to remove just to be careful. It…
— Ninja (@Ninja) March 26, 2024
Меланомот е форма на рак на кожата кој може да се прошири на други делови од телото и обично е предизвикан од ултравиолетово зрачење. Се препорачува претпазливост на сонце, употреба и редовно нанесување крема за сончање, а во ризичната група спаѓаат лица со светла кожа, со голем број бенки и семејна историја на рак на кожа. Главниот третман е хируршка интервенција, но во случаи кога ракот се проширил може да се користи и хемотерапија.
