За разводот на Драгана Мирковиќ и Тониј Бијелиќ се уште не престанува да се зборува.
Пејачката реши да стави крај на бракот со бизнисменот, а како што откри во соопштението за јавност, двајцата не живеат заедно веќе три години.
Драгана во последно време е многу активна на социјалните мрежи, а со најновата објава на својот фејсбук-профил ги изненади сите.
Драгана им открила на следбениците дека последниот период од животот ѝ бил многу тежок и дека често плачела, но дека сепак морала да ги одржи закажаните концерти.
-Имав тежок период во мојот живот и тоа беше неодамна. Знам дека имам концерт, во соба сум, седам и плачам, ги бришам солзите, излегувам на сцена и правам концерт. Сè завршувам со насмевка. Доаѓам и се враќам во собата – повторно истата приказна. Но запомнете, кога ви е најтешко, тогаш бидете храбри и борете се. Разбудете го вашиот инает и верувајте дека ќе победите – напиша Драгана на својот фејсбук-профил.
Она што е интересно е што Драгана брзо ја избриша оваа објава од својот профил, а причината се уште не е позната.
