Бејби Лазања, годинешниот претставник на Хрватска на Евровизија кој се пласираше на второто место, од државата ќе добие парична награда во вредност од 50 илјади евра.
Оваа одлука е донесена утрово од страна на техничката Влада на Хрватска.
– Искрени честитки до Марко Пуришиќ, чие уметничко име е Бејби Лазања, за неговиот фасцинантен успех на Евровизија, каде освои најголем број гласови од публиката, а се најде на второто место во целина. Тоа е најголемиот успех на независна Хрватска од настапот на групата Рива. Му благодариме на Загреб за прекрасниот пречек и на Умаг, тие беа навистина прекрасни глетки за успехот на еден млад човек и навистина му посакуваме многу, многу успех во неговата понатамошна работа – рече техничкиот премиер Андреј Пленковиќ утрово на 306. седница на Владата на Р Хрватска, пренесуваат хрватските медиуми.
