Амазон, најголемата компанија на пазарот за е-трговија, планира да отпушти 10.000 луѓе или 3% од сите вработени следната недела, пишува Њујорк Тајмс, повикувајќи се на извори во американската компанија.
Пред сè, тие ќе отпуштат вработени во техничкиот оддел кои развиваат сопствени уреди на Амазон. Намалувања ќе има и во персоналот и одделот за продажба.
Според Њујорк Тајмс, за две години бројот на вработени во Амазон е двојно зголемен, а растот на приходите на компанијата е забавен. Друга причина се стравувањата на компанијата од рецесија во САД.
Минатата недела CNBC објави дека Мета ќе отпушти 13% од своите вработени, или 11.000 луѓе. Тогаш се дозна дека американскиот претприемач Илон Маск, кој ја купи социјалната мрежа Твитер, ги отпуштил сите вработени во одделот за комуникации на компанијата, освен еден.
Милијардерот Џеф Безос повикува човештвото да се подготви за најлошото: „Чувајте кеш пари“
