Милијардерот и основач на Амазон, Џеф Безос донираше 100 милиони долари на американската пејачка и филантроп Доли Партон за таа понатаму да ги донира во вистинските добротворни организации, пишува Њујорк Пост.
Изведувачката всушност стана сопственик на наградата Bezos Courage & Civility и доби пари кои ќе бидат наменети за добротворни цели. Оваа награда ја објави самиот Безос и неговата сакана Лорен Санчез.
„Џеф [Безос] и јас сме толку горди што имаме нов добитник на Безос наградата за храброст, жена која го дава своето срце и се води од љубов и сочувство во секој аспект од нејзината работа. Едвај чекаме да ги видиме сите добри работи што таа може да ги направи со оваа награда од 100 милиони долари“, напиша Санчез на Инстаграм.
View this post on Instagram
Доли Партон им се заблагодари на Безос и Санчез за укажаната можност.
„Се обидувам да ги ставам парите таму каде што ми е срцето. Ќе дадам се од себе да направам добри работи со овие пари“, напиша пејачката на Твитер.
